Bu günlərdə ABŞ-ın Las Vegas şəhərində keçirilən CES tədbirində Samsung Selfie Type adlı görünməz klaviaturanı təqdim edib. Virtual klaviatura Süni intellekt və kameranın köməyi ilə istənilən səthdə barmaqlar ilə çap etməni təyin edərək, düzgün hərf və rəqəmlərin qeydini apara bilir. 

                      

SelfieType Aİ proqram təminatı telefonun ön kamerası ilə, barmaqların hərələtini izləyərək, onları QWERTY klaviatura üzərində çap edilirmiş kimi yazmağa imkan verir.

Bunun üçün xüsusi avadanlığa ehtiyyac yoxdur. 

Blutuz qulaqcıqlar çıxandan bəri küçə ilə öz-özünə danışan şəxslər artıq normal qarşılandığı kimi, bundan sonra da kafedə stola tıkkıldadaraq yazı yazan şəxslər adi hala çevriləcək. Ancaq, bu hal norma olana qədər, sizlərə bir neçə maraqlı klaviatura haqqında da məlumat vermək istərdik.

1. Lazer klaviatura; SelfieType kimi virtual klaviatura olsa da, ən azından klaviaturada hansı düymələrə basdığınızı göz ilə görə bilərsiniz. Kompyuterə quraşdırılan xüsusi cihaz ilə, stola lazer vasitəsilə QWERTY klaviatura əks olunur. Klaviaturanı AliExpress-də $31.21 - 45.50-ə almaq olar.

2. Növəti klaviatura isə daşınılması asan olsun deyə, 3 yerə qatlanır. Blutuz vasitəsilə istər kompyuter, istərsə də telefona qoşaraq, çap etmək olar. Klaviaturanı Banggood.com-dan $19.99-a sifariş etmək mümkündür.

3. Əgər siz də ekologiyanın qorunmasına öz tövhənizi vermək istəyirsinizsə, o zaman növbəti məhsul sizin xoşunuza gələcək. BOW şirkətinin istehsal etdiyi klaviatura isə enerjini günəş işıqlarından toplayır və blutuz ilə elektron cihazlara bağlanır. Klaviatura ağ və qara rənglərdə AliExpress-də $58.78-a təklif olunur. 

4. Baseus şirkətinin istehsal etdiyi bu klaviatura isə PUBG və mobil oyunlar oynayan şəxslərin xoşuna gələcək. Komplektə mini klaviatura, mouse, smartfon üçün tutqac, əlaqələndirici baza stansiya və kabellər daxildir. Tam komplekti AliExpress saytından $71.91-a əldə etmək mümkündür.

5. Nəhayət bu gün bəhs etmək istədiyimiz sonuncu klaviatura Android əsaslı Smart TV işlədən şəxslər üçün lazımlıdır. Rii Mini i25 adlı mini klaviatura ilə siz həm televizoru uzaqdan idarə edə, həm də internetdə yazışa bilərsiniz. Qeyd olunmuş klaviaturanı $18.66-a AliExpress saytından əldə edə bilərsiniz.